அமெரிக்காவில், இளம்பெண் பிரபல நிறுவனத்தில் வேலை கிடைக்க வேண்டும் என்பதற்காக வித்தியாசமான முறையை கையாண்டிருக்கிறார்.
அமெரிக்க நாட்டின் கரோலினா மாகாணத்தில் வசிக்கும் கார்லி பாவ்லினாக் பிளாக்பர்ன் என்ற இளம் பெண் நைக் நிறுவனத்தில் வேலை கிடைக்க வேண்டும் என்பதற்காக பல தடவை தன் சுயவிவரங்கள் அடங்கிய தொகுப்பை அந்நிறுவனத்திற்கு அனுப்பி இருக்கிறார். ஆனால் அவருக்கு அங்கு வேலை கிடைக்கவில்லை.
இந்நிலையில் அவரின் தோழி ஒரு யோசனை கூற, அதன்படி வித்தியாசமான முறையை கையாண்டுள்ளார். அதாவது ஒரு கேக்கை வாங்கி அதில் தன் சுய விபர குறிப்புகளை எழுதி அந்நிறுவனத்திற்கு அனுப்பியுள்ளார். அந்த நிறுவனத்தின் தலைமையகத்தில் நிகழ்ச்சி நடந்த சமயத்தில் இவர் அனுப்பிய கேக் சென்றடைந்திருக்கிறது.
இது குறித்து அந்த பெண் தெரிவித்திருப்பதாவது, இரண்டு வாரங்களுக்கு முன்பாக, நைக் நிறுவனத்திற்கு கேக்கில் தன் சுய விபர குறிப்புகளை அனுப்பினேன். ஆனால் அந்நிறுவனம் தற்போது யாருக்கும் வேலை வாய்ப்பு வழங்க தயாராக இல்லை. இருப்பினும், நான் யார் என்று அந்த நிறுவனத்திடம் நிரூபிக்க வேண்டும்.
எனவே தான், அந்நிறுவனத்தில் நிகழ்ச்சி நடந்த போது, இவ்வாறு அனுப்பி வைத்தேன். அதைவிட வேறு சிறப்பான வழி எனக்கு தோன்றவில்லை என்று கூறியிருக்கிறார்.