தமிழ் சினிமாவில் உச்ச நட்சத்திரமாக ஜொலிக்கும் தளபதி விஜய் பீஸ்ட் படத்திற்கு பிறகு வம்சி இயக்கத்தில் வாரிசு என்ற திரைப்படத்தில் நடித்து வருகிறார். இந்த படத்தில் ராஷ்மிகா மந்தனா ஹீரோயின் ஆக நடிக்க, சரத்குமார், பிரகாஷ்ராஜ், பிரபு, ஷாம் உள்ளிட்டோர் முக்கிய வேடங்களில் நடிக்கின்றனர். இந்த படத்தை தொடர்ந்து நடிகர் விஜய் இயக்குனர் லோகேஷ் கனகராஜ் இயக்கத்தில் தளபதி 67 திரைப்படத்தில் நடிக்க இருக்கிறார்.
இது தொடர்பான அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது. இந்த படத்தில் நடிகர் விஜய் மிகப்பெரிய கேங்ஸ்டர் வேடத்தில் நடிக்க இருப்பதாகவும், 6 முன்னணி நடிகர்கள் வில்லனாகவும் நடிக்க இருப்பதாகவும் தகவல் வெளியானதால் தளபதி 67 திரைப்படத்தின் மீதான எதிர்பார்ப்பு ரசிகர்கள் மத்தியில் அதிகரித்துள்ளது. மேலும் தற்போது தளபதி 67 திரைப்படத்தில் விஜய் டிவி பிரபலம் மைனா நந்தினி மற்றும் தீனா ஆகியோர் நடிக்க இருப்பதாக புதிய தகவல் வெளியாகியுள்ளது.
