இயக்குனர் மோகன் ராஜா நடிகர் சிரஞ்சீவி படத்தை இயக்குவாரா என்ற சந்தேகம் எழுந்துள்ளது.
மலையாள திரையுலகில் மோகன்லால் நடிப்பில் வெளின் யான திரைப்படம் ‘லூசிபர்’. மோகன்லால் அரசியல்வாதியாக நடித்திருந்த இப்படம் இந்தியாவையே மிரள வைத்தது. இதைத் தொடர்ந்து இப்படத்தை தெலுங்கில் ரீமேக் செய்கின்றனர். அந்த வகையில் தெலுங்கு ரீமேக்காகும் இப்படத்தில் சிரஞ்சீவி நாயகனாக நடிக்கிறார்.
மேலும் பிரபல இயக்குனர் மோகன் ராஜா இப்படத்தை இயக்க ஒப்பந்தமாகியுள்ளார். 200 கோடி ரூபாய் பட்ஜெட்டில் பிரமாண்டமாக தயாராகும் இப்படத்தின் பூஜை கடந்த ஜனவரி மாதம் நடைபெற்றது. இந்நிலையில் நடிகர் சிரஞ்சீவி இப்படத்தின் கதையில் தெலுங்கு ரசிகர்களுக்கு ஏற்றவாறு சில மாற்றங்களை செய்ய கூறியுள்ளார்.
இதனைக்கேட்ட இயக்குனர் சில மாற்றங்களை செய்து வந்து கூறியுள்ளார். ஆனால் அவர் செய்த மாற்றங்கள் சிரஞ்சீவிக்கு திருப்தி அளிக்காததால் இப்படத்தின் இயக்குனரை மாற்றலாமா என்று சிரஞ்சீவி ஆலோசித்து வருகிறார் என்று தெரியவந்துள்ளது. இதன் மூலம் இயக்குனர் மோகன் ராஜா இப்படத்தை இயக்குவாரா என்ற சந்தேகமும் எழுந்துள்ளது.