ஆதிவாசி மக்களின் வீடுகளை காட்டு யானைகள் உடைத்து சேதப்படுத்திய சம்பவம் அச்சத்தை ஏற்படுத்தியுள்ளது.
நீலகிரி மாவட்டத்தில் உள்ள கூடலூர் பகுதியில் காட்டு யானைகளின் அட்டகாசம் நாளுக்கு நாள் அதிகரித்துக் கொண்டே செல்கிறது. இந்நிலையில் நள்ளிரவு நேரத்தில் கைமகொல்லி ஆதிவாசி காலனிக்குள் 2 காட்டு யானைகள் நுழைந்துவிட்டது. இந்த காட்டு யானைகள் கடம்பன், பொம்மன் உட்பட சில ஆதிவாசி மக்களின் வீடுகளை உடைத்து சேதப்படுத்தியுள்ளது. இதுகுறித்து தகவலறிந்த வனத்துறையினர் சம்பவ இடத்திற்கு விரைந்து சென்று காட்டு யானைகளை வனப்பகுதிக்குள் விரட்டியடித்தனர்.
அதன்பிறகு காயமடைந்த 2 பேரை பொதுமக்கள் மீட்டு மருத்துவமனையில் சிகிச்சைக்காக அனுமதித்துள்ளனர். இதுகுறித்து ஆதிவாசி மக்கள் கூறும் போது, காட்டு யானைகள் சேதப்படுத்திய வீடுகளுக்கு உரிய இழப்பீடு தொகையை வழங்க நடவடிக்கை எடுக்க வேண்டும் என கோரிக்கை விடுத்துள்ளனர்.