‘தளபதி 66’ படத்தில் விஜய்க்கு கதாநாயகியாக நடிப்பவர் குறித்த தகவல் வெளியாகியுள்ளது.
தமிழ் சினிமாவில் பிரபல முன்னணி நட்சத்திரங்களில் ஒருவராக வலம் வருபவர் தளபதி விஜய். இயக்குனர் நெல்சன் இயக்கத்தில் விஜய் நடிப்பில் தற்போது உருவாகியுள்ள திரைப்படம் ”பீஸ்ட்”. இந்தத் திரைப்படத்திற்காக ரசிகர்கள் அனைவரும் ஆவலாக எதிர்பார்த்து காத்துக்கொண்டிருக்கின்றனர்.
இதனையடுத்து, இவர் தெலுங்கு இயக்குனர் வம்சி இயக்கத்தில் புதிய படத்தில் நடிக்க இருக்கிறார். மேலும், தில் ராஜ் தயாரிக்கும் இந்த படத்தில் கதாநாயகியாக கீர்த்தி சுரேஷ் நடிக்க இருப்பதாக தகவல் பரவியது. ஆனால் இதனை கீர்த்தி சுரேஷ் மறுத்துவிட்டார். இந்நிலையில், தற்போது புதிதாக இந்த படத்தில் விஜய்க்கு கதாநாயகியாக நடிப்பவர் குறித்த தகவல் வெளியாகியுள்ளது. அதன்படி, தனுஷ் நடிப்பில் வெளியான ‘பட்டாசு’ படத்தில் நடித்த மெஹ்ரீன் பிர்சாடா தான் இந்த படத்தில் நடிக்க இருப்பதாக கூறப்படுகிறது.