இந்தியாவில் கொரோனா பாதிப்பு இதுவரை இல்லாத அளவுக்கு புதிய உச்சம் தொட்டுள்ளது மக்களுக்கு அதிர்ச்சியை ஏற்படுத்தியுள்ளது.
கடந்த டிசம்பரில் சீனாவில் தொடங்கி கிட்டத்தட்ட ஆறு மாதங்களாக உலகையே மிரட்டி வரும் கொடிய பெருந்தொற்றான கொரோனா இந்தியாவையும் விட்டு வைக்கவில்லை. இதுவரை நாலாவது ஊரடங்கு பிறப்பிக்கப்பட்டது, மக்கள் அனைவரும் வீட்டுக்குள் முடக்கப்பட்டு இருக்கும் இந்த நிலையில் கொரோனாவின் தாக்கம் தொடர்ந்து அதிகரித்து வருவகின்றது. நினைத்து பார்க்க முடியாத அளவுக்கு முக்கிய நகரங்கள் கொரோனாவால் பாதிக்கப்பட்டுள்ளன. குறிப்பாக மகாராஷ்டிராவில் பாதிக்கப்பட்டோர் எண்ணிக்கை 50 ஆயிரத்தை நெருங்கிக் கொண்டிருக்கின்றது.
நாடு முழுவதும் கொரோனா பாதிக்கப்படாத மாநிலமே இல்லை என்கின்ற நிலைக்கு கொரோனாவின் தாக்கம் இந்தியா முழுவதும் விரிவடைந்துள்ளது. இதனால் இந்தியாவில் கொரோனா பாதிப்பு ஒரு லட்சத்து 25 ஆயிரத்து 101 பேர் என்ற எண்ணிக்கையில் எகிறி உள்ளது. 51 ஆயிரத்து 184 பேர் குணமடைந்து வீடு திரும்பியுள்ள நிலையில், 3720 பேர் உயிரிழந்துள்ளனர். இந்த நிலையில்தான் நேற்று ஒரே நாளில்ஒரு நாளில் இதுவரை இல்லாத அளவாக 6,654 பேருக்கு கொரோனா தொற்று உறுதியானது மக்களை அதிர்ச்சி அடைய வைத்துள்ளது.
ஏறக்குறைய 60 நாட்களாக ஒட்டுமொத்த நாட்டையும் முடக்கி ஊரடங்கு பிறப்பித்ததும் கொரோனா கட்டுக்குள் இல்லை என்பதை இந்த எண்ணிக்கை உணர்த்துகிறது. அதுமட்டுமல்லாமல் கடந்த சில வாரங்களாகவே இந்தியாவின் கொரோனா எண்ணிக்கை 4,000, 5 ஆயிரம் என்ற அளவில் இருப்பது மேலும் அதிர்ச்சியை ஏற்படுத்தி வருகிறது. ஏனெனில் கொரோனாவில் சிக்கி சிதைந்த நாடுகள் அனைத்த்திலும் இப்படிதான் கொரோனா பாதிப்பு ஒரு குறிப்பிட்ட கால அளவுக்கு உயர்ந்து கொண்டே தான் சென்றது, மக்களுக்கு கூடுதல் அச்சத்தை ஏற்படுத்தியுள்ளது.
தற்போது இந்தியாவிலும் அதே நிலை ஏற்பட்டுள்ளதால் இனிமேல் 5, 6ஆயிரத்துக்கு மேல் என்ற எண்ணிக்கையில் பதிவாகி நினைத்துக்கூட பார்க்க முடியாத அளவுக்கு பாதிப்பு உண்டாகுமோ என்ற அச்சத்தை நேற்றைய எண்ணிக்கையை உணர்த்தியுள்ளது. இந்தியாவில் ஏப்ரல் 13ஆம் தேதி தான் ஒரே நாளில் ஆயிரம் என்ற எண்ணிக்கையை கடந்து, 1243ஆக பதிவாகியது. இந்த எண்ணிக்கை ஏப்ரல் 28ஆம் தேதி 1,902 என்ற அளவில் உயர்ந்து மே 1ஆம் தேதி 2ஆயிரத்தை கடந்தது.
மே 1ஆம் தேதி மட்டும் 2,396 பேருக்கு என்ற அளவில் கொரோனா தொற்று உறுதி செய்யப்பட்டது. அதனையடுத்து மே 4 ஆம் தேதி 3,656 ஆக உயர்ந்து புதிய உச்சம் பெற்றது. மே10 ஆம் தேதி 4,311 ஆக எகிறிய எண்ணிக்கை மே 17ஆம் தேதி 5,049 பேர் என்ற அளவில் உயர்ந்தது. மே 19ஆம் தேதி புதிய உச்சமாக 6, 154பேர் என ஒரு நாளில் பாதிப்பு உறுதி செய்யப்பட்டது நேற்று இதுவரை இல்லாத அளவான 6,654 பேர் என கண்டறியப்பட்டுள்ளது. இப்படி உயர்ந்து கொண்டு செல்லும் எண்ணிக்கையை பார்த்தல் கொரோனா தொற்றை இந்தியா எப்படி கையாளப்போகின்றது என்ற பயம் மக்களிடையே தொற்றிக் கொண்டுள்ளது.