தமிழ் திரையுலகில் பிரபல நடிகராக வலம் வரும் விஜய் தனக்கென்று தனி ரசிகர் பட்டாளத்தையே வைத்துள்ளார். தற்போது நெல்சன் திலீப்குமார் இயக்கத்தில் பீஸ்ட் திரைப்படத்தில் நடித்து வரும் விஜயின் 66வது திரைப்படம் பற்றிய தகவல் சமீபத்தில் வெளியானது. அதன்படி தெலுங்கு இயக்குனரான வம்சி இயக்கத்தில் தில் ராஜூ தயாரிப்பில் விஜய் நடிக்க இருக்கிறார்.
இந்நிலையில் தளபதி 66 படத்தில் விஜய் இயற்கை வளங்கள் மற்றும் காடுகளை அழிப்பதை எதிர்த்து கேள்வி கேட்கும் பத்திரிகையாளராக நடிக்க இருப்பதாக தெரியவந்துள்ளது. இதுவரை இல்லாத கோணத்தில் தளபதி விஜய் நடிக்க இருப்பதால் அவரது வித்தியாசமான நடிப்பை எதிர்நோக்கி அவரது ரசிகர்கள் காத்திருக்கின்றனர்.