‘மகான்’ படத்தின் நீக்கப்பட்ட காட்சியை படக்குழுவினர் வெளியிட்டுள்ளனர்.
நடிகர் விக்ரம் தமிழ் சினிமாவில் முன்னணி நடிகராக வலம் வருகிறார். இவர் நடிப்பில் பிரம்மாண்டமாக உருவாகியுள்ள திரைப்படம் ”பொன்னியின் செல்வன்”. இந்த படத்தின் முதல் பாகம் செப்டம்பர் 30ஆம் தேதி ரிலீசாக உள்ளது. இதனையடுத்து, இயக்குனர் கார்த்திக் சுப்புராஜ் இயக்கத்தில் இவர் நடிப்பில் கடந்த பிப்ரவரி மாதம் ரிலீஸான திரைப்படம் ”மகான்”. அமேசான் பிரைம் வீடியோவில் ரிலீஸான இந்த படத்தில் அவரது மகன் துருவ் விக்ரமும் இணைந்து நடித்துள்ளார்.
செவன் ஸ்கிரீன் ஸ்டுடியோ தயாரித்துள்ள இந்த படத்திற்கு சந்தோஷ் நாராயணன் இசையமைத்துள்ளார். இந்த திரைப்படம் வெளியாகி ரசிகர்கள் மத்தியில் நல்ல வரவேற்பைப் பெற்றது. இந்நிலையில், இந்த படத்தின் நீக்கப்பட்ட காட்சியை படக்குழுவினர் வெளியிட்டுள்ளனர். இந்த காட்சி தற்போது இணையதளத்தில் அதிகம் பரவி வருகிறது.