இயக்குனர் பா. ரஞ்சித் இயக்கத்தில் விக்ரம் நடிக்கும் சியான்- 61வது படத்தில் ராஷ்மிகா பதிலாக மாளவிகா நடிக்கவுள்ளார்
நடிகர் விஜய்யின் “வாரிசு” மற்றும் அல்லு அர்ஜுனில் “புஷ்பா 2” இந்த 2 திரைப்படமும் ஹிந்தி படம் என பிஸியாக நடித்து வருகின்றார் ராஷ்மிகா மந்தனா. இந்நிலையில் இயக்குனர் பா. ரஞ்சித் இயக்கத்தில் விக்ரம் நடிக்கும் சியான்- 61வது படத்தில் ராஷ்மிகா மந்தனா நடிப்பதாக தகவல்கள் வெளியாக்கியுள்ளது. ஆனால் தற்போது விக்ரம்- 61 வது திரைப்படத்தின் படப்பிடிப்பு ஆந்திராவிலுள்ள கடப்பா மாவட்டத்தில் தொடங்கப்பட்டுள்ள நிலையில் இந்தத் திரைப்படத்தில் ராஷ்மிகா மந்தனா நடிக்கவில்லை.
இதனை அடுத்து அவருக்கு பதிலாக “மாஸ்டர்” திரைப்படத்தில் விஜய்க்கு ஜோடியாக நடித்த மாளவிகா மோகனன் நடித்து வருகின்றார். இந்த திரைப்படத்தில் ராஷ்மிகா மந்தனா நடிக்காதது ஏன்? என்பது குறித்து விசாரித்தபோது, விக்ரம் படத்திற்காக ராஷ்மிகா மந்தனாவை அணுகி பேச்சுவார்த்தை நடத்திய போது அவர் கூறியதாவது, “முதலில் இந்த திரைப்படத்தில் நடிப்பதாக தெரிவித்தவர், பின்னர் விக்ரம் 61 வது படத்தின் கால்சீட்டில் சில மாற்றங்கள் செய்யப்பட்டதால் அந்த தேதியில் தான் ஒரு ஹிந்தி படத்தில் நடிக்க கால்ஷீட் கொடுத்திருப்பதாக” கூறியுள்ளார் இதனாலேயே விக்ரமுக்கு ஜோடியாக மாளவிகா மோகனன் நடிக்கின்றாராம்.