‘நாய் சேகர் ரிட்டன்ஸ்’ படத்தில் சிவாங்கி நடிக்க இருக்கிறார் என தெரிய வந்துள்ளது.
தமிழ் திரையுலகில் முன்னணி காமெடி நடிகராக வலம் வருபவர் நடிகர் வடிவேலு. நீண்ட இடைவெளிக்கு பிறகு சுராஜ் இயக்கத்தில் இவர் நடிக்கும் திரைப்படம் ”நாய் சேகர் ரிட்டன்ஸ்”. இந்த படத்திற்கான அதிகாரபூர்வமான அறிவிப்பு கடந்த செப்டம்பர் மாதம் வெளியானது. இதனையடுத்து, பல ஆண்டுகளுக்குப் பிறகு வடிவேலு இந்த படத்தில் நடிப்பதால் இந்த திரைப்படம் மீதான எதிர்பார்ப்பு ரசிகர்களிடையே அதிக அளவு உள்ளது.
இதனையடுத்து, இந்த படத்தின் கலக்கலான மோஷன் போஸ்டரை படக்குழுவினர் சமீபத்தில் வெளியிட்டனர். இந்நிலையில், இந்த படத்தின் புதிய அப்டேட் வெளியாகியுள்ளது. அதன்படி, இந்த படத்தில் சூப்பர் சிங்கர் மற்றும் குக் வித் கோமாளி பிரபலம் சிவாங்கி நடிக்கிறார் என தெரியவந்துள்ளது.