சர்வதேச திரைப்பட விழாவில் விஜய் சேதுபதி படம் தேர்வாகியுள்ளது.
தமிழ் சினிமாவில் பிரபல முன்னணி நடிகராக வலம் வருபவர் விஜய் சேதுபதி. இவர் நடிப்பில் வெளியாகும் படங்கள் ரசிகர்கள் மத்தியில் நல்ல வரவேற்பு பெற்று வருகிறது. இயக்குனர் சீனு ராமசாமி இயக்கத்தில் இவர் நடிப்பில் வெளியான திரைப்படம் ”மாமனிதன்”. இந்த படத்தில் கதாநாயகியாக காயத்ரி நடித்திருந்தார்.
இதனையடுத்து அமெரிக்காவில் நடைபெறும் முக்கிய திரைப்பட விழாவான அர்பா சர்வதேச திரைப்பட விழாவில் சிறந்த படங்களாக ஐந்து திரைப்படங்கள் திரையிடுவதற்கு தேர்வு செய்யப்பட்டுள்ளது. இதில் ”மாமனிதன்” திரைப்படமும் இடம்பெற்றுள்ளது. இந்நிலையில், இயக்குனர் சீனு ராமசாமி, ”இந்த திரைப்பட விழாவில் மாமனிதன் திரைப்படம் தேர்வாகிருப்பது மகிழ்ச்சி அளிக்கிறது. தேர்வு குழுவினருக்கு நன்றி” என கூறியுள்ளார்.