வெற்றிமாறன் இயக்கும் படத்திலும் சூரிக்கு அப்பாவாக விஜய்சேதுபதி நடிப்பதாக தகவல் வெளியாகியுள்ளது.
நடிகர் சூரி நாயகனாக நடிக்கும் படத்தை தமிழ் சினிமாவின் முன்னணி இயக்குனரான வெற்றிமாறன் இயக்கி வருகிறார். இந்த திரைபடத்தை ஜெயமோகனின் துணைவன் என்ற சிறுகதையை மையமாக வைத்து தயாரித்துள்ளனர். இந்த படத்தில் நடிகையாக பவானி ஸ்ரீ நடிக்க ஒப்பந்தமாகியுள்ளார். இந்நிலையில் இந்த படத்தின் முக்கிய கதாபாத்திரத்தில் விஜய் சேதுபதி நடிக்க போவதாக தகவல் வெளியாகியுள்ளது.
இவர் சூரிக்கு அப்பாவாக இப்படத்தில் நடிக்க உள்ளார். இந்த படத்தில் சூரிக்கு அப்பாவாக முதலில் இயக்குனர் பாரதிராஜா நடிப்பதாக இருந்த நிலையில், அவர் இந்த படத்தில் இருந்து விலகியதால் விஜய் சேதுபதி தற்போது இந்த படத்தில் நடிக்க ஒப்பந்தமாகியுள்ளார். இவர் ஏற்கனவே சீதக்காதி, ஆரஞ்சு மிட்டாய் போன்ற படங்களில் வயதானவராக நடித்திருந்தது குறிப்பிடத்தக்கது.