தமிழ் சினிமாவில் முன்னணி காமெடி நடிகராக இருக்கும் நடிகர் விவேக் திடீர் முடிவு ஒன்று எடுத்துள்ளார்.
கொரோனா ஊரடங்கு அமலில் இருப்பதால், அனைத்து திரை பிரபலங்களும் வீட்டில் முடங்கியுள்ள நிலையில், தங்களது ரசிகர்களுடன் சமூக வலைத்தளங்களில் உரையாடி வருகின்றனர். அந்த வகையில் தற்போது நடிகர் விவேக் சமூக வலைத்தளமான டுவிட்டரிலிருந்து மே 3ஆம் தேதி வரை விலகி இருப்பதாக கூறியிருக்கிறார். இது பலரிடையே பெரும் பரபரப்பை ஏற்படுத்தியிருக்கிறது.
கடந்த சில வருடங்களாகவே டுவிட்டரில் சமூகம் சார்ந்த கருத்துக்களை விவேக் தெரிவித்து கொண்டிருந்தார். அதுபோல தற்போது கூட கொரோனா விழிப்புணர்வு பற்றி ஒரு சில விடீயோக்கள் பதிவு செய்திருந்தார். அவர் வெளியிட்ட அனைத்து வீடீயோக்களும் மக்களிடையே நல்ல வரவேற்பை பெற்றிருந்தது.
இந்நிலையில், மே 3ம் தேதிவரை மட்டும் சமூக வலைத்தளங்களில் இருந்து விலகிருப்பதாகவும், அதற்கு ஒரு சில தனிப்பட்ட காரணங்களும் உள்ளது என்றும் அதனால்தான் நான் இந்த முடிவை எடுத்துள்ளேன் என்றும் கூறியுள்ளார். இதற்கு அவருடைய ரசிகர்கள் பலரும் “என்ன ஆச்சு உங்களுக்கு” என்று கேட்கிறார்கள்.