‘வீரமே வாகை சூடும்’ திரைப்படம் விரைவில் தொலைக்காட்சியில் ஒளிபரப்பாக உள்ளது.
தமிழ் சினிமாவில் பிரபல முன்னணி நடிகராக வலம் வருபவர் நடிகர் விஷால். இவர் நடிப்பில் வெளியாகும் படங்கள் அனைத்திற்கும் ரசிகர்கள் மத்தியில் நல்ல வரவேற்பு கிடைத்து வருகிறது. இயக்குனர் சரவணன் இயக்கத்தில் இவர் நடிப்பில் சமீபத்தில் வெளியான திரைப்படம் ”வீரமே வாகை சூடும்”. இந்த படத்தில் யோகிபாபு, ரவீனா ரவி, மாரிமுத்து, டிம்பிள் ஹயாத்தி மற்றும் பலர் முக்கிய கதாபாத்திரத்தில் நடித்திருந்தனர். கவின் ராஜ் ஒளிப்பதிவு செய்த இந்த படத்திற்கு யுவன் சங்கர் ராஜா இசையமைத்திருந்தார்.
மேலும், இந்த படத்தை விஷால் பிலிம் பேக்டரி சார்பாக விஷால் தயாரித்திருந்தார். இதனையடுத்து, கடந்த பிப்ரவரி 4ஆம் தேதி ரிலீஸான இந்த திரைப்படம் OTT யிலும் வெளியாகியுள்ளது. இந்நிலையில், விரைவில் இந்த திரைப்படம் தொலைக்காட்சியில் ஒளிபரப்பாக உள்ளது. அதன்படி பிரபல ஜீ தமிழ் தொலைக்காட்சியில் வரும் 10ஆம் தேதி மாலை 6 மணிக்கு இந்த திரைப்படம் ஒளிபரப்பாக இருப்பதாக அறிவிப்பு வெளியாகியுள்ளது.