நாம் அதிக சுமையைத் தலையில் தாங்குவது, நீண்ட நேரம் கழுத்தை அசைக்காமல் ஒரே நிலையில் வைத்துக் கொண்டிருப்பது போன்றவை கழுத்து வலிக்கு அடித்தளம் அமைக்கும். அதுமட்டுமில்லாமல் அதிகப்படியான மன அழுத்தம் காரணமாகவும் கழுத்து வலி ஏற்படும் என்று மருத்துவர்கள் தெரிவிக்கின்றனர். மேலும் கணினியில் நீண்ட நேரமாக வேலை செய்வது, போன் பயன்படுத்துவது, சீரற்ற முறையில் படுப்பது போன்ற காரணங்களால் நமக்கு கழுத்து வலி ஏற்படுகின்றன. இந்த கழுத்து வலியை குணப்படுத்த ஹிந்துஸ்தான் டைம்ஸ் யோகா மற்றும் ஆயுர்வேத நிபுணர்கள் நமீதா பிப்பரையா யோகா குறித்து கூறியுள்ளார். அதாவது,
- முதுகுத்தண்டு நிமிர்ந்து, கால்கள் தரையில் படும்படி நாற்காலியில் அமர்ந்து, இருகைகளையும் கோர்த்துக் கொள்ளவும். கட்டை விரல்களை தாடையின் அடியில் வைக்கவேண்டும். தாடையில் கையை வைத்தபடி கழுத்தை மெதுவாக மேலே தூக்க வேண்டும். பிறகு பழைய நிலைக்கு கொண்டுவர வேண்டும்.
- தோள் பட்டைகளின் இயக்கம் மற்றும் நெகிழ்வு தன்மையை மேம்படுத்தும் வகையில் பயிற்சி செய்வது கழுத்து வலியை குறைக்கும். இரண்டு கைகளையும் தோள்பட்டையில் வைத்து கடிகார திசையில் மற்றும் எதிர் திசையில் சுற்ற வேண்டும் என 5-10 நிமிடங்கள் தொடர்ந்து செய்து வந்தால் கழுத்து வலி நீங்கும்.
- தரையில் நேராக படுத்து கொள்ளவும். கழுத்து, முதுகு நேராக இருக்கட்டும். கால்கள் சற்று விலகி இருக்கட்டும். உள்ளங்கைகள் வானத்தை பார்த்தபடி கைகள் பக்கவாட்டில் இருக்கட்டும். அனைத்து யோகா தோற்ற நிலைகளிலும் இறுதியாகச் செய்யப்படவேண்டியது. இந்நிலையில் 5 நிமிடங்களாக இருக்க வேண்டும். அதன் பின்னர் இயல்பு நிலைக்குத் திரும்புங்கள்.
- கழுத்து ஸ்டெர்சஸ் யோகாவில் கழுத்து இருபுறமும் அசைக்க வேண்டும். முதலில் நேராக அமர்ந்து வலது பக்கம் கழுத்தை வளைத்து மெதுவாக மூச்சை விடுங்கள். பின்னர் கழுத்தை நேராக வைத்து தொடர்ந்து இடது பக்கம் சாய்ந்து மூச்சு விடுங்கள். பின்னர் நேரான நிலைக்கு வாருங்கள். இதனை தொடர்ந்து செய்து வந்தால் கழுத்து வலி குறையும்.
- உடற்பயிற்சி செய்யும்போது கழுத்துவலி வலுப்படுத்துவதில் கவனம் செலுத்த வேண்டும். கழுத்துக்கான ஐசோமெட்ரிக் வலுப்படுத்தும் பயிற்சிகளை செய்யலாம். இதற்கு நீங்கள் உங்கள் உள்ளங்கையை தலைக்கு பின்னால் வைத்து கைகளை முன்னோக்கி தள்ளுங்கள். இப்போது உங்கள் தலை லேசாக பின்னால் சாயும் நிலையில் இருக்கும். இந்தயோகவை தொடர்ந்து 10 நிமிடங்கள் அப்படியே இருந்துவிட்டு பின்னர் மெதுவாக இயல்பு நிலைக்கு திரும்பவும்.