தமிழ் சினிமாவில் முன்னணி காமெடி நடிகராக வலம் வந்தவர் கவுண்டமணி. இவரும் செந்திலும் இணைந்து நடித்த காமெடி படங்கள் இன்றளவும் ரசிகர்கள் மத்தியில் மிகவும் பிரபலம். 40 வருடங்களுக்கு மேலாக பல முன்னணி நடிகர்களுடன் இணைந்து காமெடி ரோல்களில் நடித்த கவுண்டமணி ஒரு கட்டத்தில் சினிமாவை விட்டு விலகினார். கடந்த சில வருடங்களுக்கு முன்பாக 49ஓ, எனக்கு வேறு எங்கும் கிளைகள் கிடையாது போன்ற படங்களில் நடித்திருந்தார்.
அதன்பிறகு வேறு எந்த படங்களிலும் கவுண்டமணி நடிப்பதற்கு ஒப்பந்தம் ஆகவில்லை. நடிகர் சிவகார்த்திகேயன் சமீபத்தில் கவுண்டமணியை சந்தித்து தன்னுடைய படத்தில் நடிக்குமாறு கேட்டபோது அதற்கு அவர் சம்மதம் தெரிவிக்கவில்லை என்று கூறப்பட்டது. இந்நிலையில் நடிகர் கவுண்டமணி தற்போது ஒரு புதிய படத்தில் நடிப்பதற்கு ஒப்பந்தமாகியுள்ளார். இப்படத்தை பேயை காணோம் படத்தை இயக்கிய அன்பரசன் இயக்க, மதுரை செல்வம் தயாரிக்கிறார். மேலும் இந்த படத்திற்கு பழனிச்சாமி வாத்தியார் என்று பெயர் வைக்கப்பட்டுள்ளது.