ஆசிய கோப்பை கிரிக்கெட் போட்டியில் இன்று நடந்த ஆப்கானிஸ்தான் அணிக்கெதிரான ஆட்டத்தில் இந்திய அணி 4 விக்கெட் வித்தியாசத்தில் வெற்றி பெற்றுள்ளது .
19 வயதுக்குட்பட்டோருக்கான ஆசிய கோப்பை கிரிக்கெட் போட்டி ஐக்கிய அரபு அமீரகத்தில் நடைபெற்று வருகிறது .இதில் இன்று நடந்த ஆட்டத்தில் இந்தியா – ஆப்கானிஸ்தான் அணிகள் பலப்பரீட்சை நடத்தின .இதில் முதலில் களமிறங்கிய ஆப்கானிஸ்தான் அணி
4 விக்கெட் இழப்புக்கு 259 ரன்கள் எடுத்தது .இதில் அதிகபட்சமாக ஜாஸ் அகமது 86 ரன்கள் எடுத்தார் .இந்திய அணி சார்பில் ராஜ்வர்தன் , கௌஷல் தாம்பே , விக்கி மற்றும் ராஜ் பாவா ஆகியோர் தலா ஒரு விக்கெட் கைப்பற்றினர் .
இதன்பிறகு 260 ரன்கள் எடுத்தால் வெற்றி என்ற இலக்குடன் இந்திய அணி விளையாடியது. தொடக்க வீரர்களாக களமிறங்கிய ஹர்னூர் சிங் – ரகுவன்ஷி ஜோடி சிறப்பான ஆட்டத்தை வெளிப்படுத்தி அணியினர் ஸ்கோரை உயர்த்தினர் .இதில் ஹர்னூர் சிங் 65 ரன்னும், ரகுவன்ஷி 35 ரன்னும் எடுத்து ஆட்டமிழந்தனர். இதன்பிறகு ராஜ் பாவா – கௌஷல் தாம்பே ஜோடி நிதான ஆட்டத்தை வெளிப்படுத்தி அணியை வெற்றிப்பாதைக்கு கொண்டு சென்றனர். இறுதியாக இந்திய அணி 48.2 ஓவரில் 6 விக்கெட் இழப்புக்கு 262 ரன்கள் குவித்து 4 விக்கெட் வித்தியாசத்தில் வெற்றி பெற்றுள்ளது.