மஞ்சளின் மருத்துவ குணம் குறித்து இந்த செய்தித் தொகுப்பில் காணலாம்
சளி ஃப்ளு கொரோனா உள்ளிட்ட வியாதிகளில் இருந்து உங்களை நீங்கள் பாதுகாத்துக்கொள்ள வேண்டும் என்றால், மருத்துவர்கள் பரிந்துரைக்கும் சில காய்கறிகள் உணவு பொருள்களை அன்றாட வாழ்வில் நாம் சேர்த்துக்கொள்ள வேண்டும். இவையாவும் உங்களை நோயிலிருந்து முற்றிலும் குணப்படுத்தும் என்று யாரும் கூறவில்லை.
ஆனால் உடலிலுள்ள நோய் எதிர்ப்பு சக்தியை அதிகரித்து நோயுடன் போராடி குணமாக்குவதற்கு ஓரளவு பங்கினை அது செலுத்தும். அந்த வகையில்,மஞ்சளை நாம் எடுத்து கொள்ளலாம், நோய் எதிர்ப்பு ஆற்றலை வலுப்படுத்துவதில், மஞ்சள் மிக சிறப்பாக செயல்படக் கூடியது.
இதற்கு முக்கிய காரணம் அதில் இருக்கக்கூடிய அழர்ஜியைத் தடுக்கும் ஆற்றல் கொண்ட குர்குமின் என்ற வேதிப்பொருள். மஞ்சள் நோய் எதிர்ப்பை அதிகரிப்பதோடு மட்டுமல்லாமல் இதய நோய் வராமல் தடுக்கும் பணியை மேற்கொள்கிறது. இது ஜீரண சக்தியை ஒரு புறம் மேம்படுத்துவதுடன், தொண்டை புண்ணுக்கு சிறந்த தீர்வாக விளங்குகிறது.