தமிழ் சினிமாவில் லேடி சூப்பர் ஸ்டாராக வலம் வருபவர் நடிகை நயன்தாரா. இவர் நடிப்பில் வெளியாகும் படங்கள் அனைத்தும் ரசிகர்கள் மத்தியில் நல்ல வரவேற்பு பெற்று வருகிறது. சமீபத்தில் இவர் இயக்குனர் விக்னேஷ் சிவனை திருமணம் செய்து கொண்டார். தற்போது இவர் இயக்குனர் அஸ்வின் சரவணன் இயக்கத்தில் நடித்துள்ள திரைப்படம் ”கனெக்ட்”.
விக்னேஷ் சிவன் தயாரித்துள்ள இந்த திரைப்படம் வரும் டிசம்பர் 22ஆம் தேதி தியேட்டர்களில் ரிலீசாக உள்ளது. ஒரு மணி நேரம் 39 நிமிடம் ஓடக்கூடிய இந்த படத்தில் இடைவேளை கிடையாது என இயக்குனர் தெரிவித்திருந்தார் என்பது குறிப்பிடத்தக்கது. மேலும் த்ரில்லர் படமான இந்த படத்தை இடைவேளை இல்லாத படம் என படக்குழுவும் கூறி வருகிறது.
இந்நிலையில், தியேட்டர் உரிமையாளர்கள் தரப்பில் இடைவேளை இல்லாமல் இந்த படத்தை திரையிட மறுப்பு தெரிவித்து வருவதாக தகவல் வெளியாகியுள்ளது. ஏனெனில், இடைவேளையில் கேண்டின் பக்கம் ரசிகர்கள் வந்து உணவுப் பொருட்கள் வாங்கினால் தான் வியாபாரம் நடந்து தனி லாபம் பெற முடியும். இடைவேளை இல்லாவிட்டால் வியாபாரம் நடக்க வாய்ப்பில்லை. ஆதலால் தியேட்டர்காரர்கள் இடைவேளை இல்லாமல் படத்தை திரையிட மறுப்பு தெரிவித்து வருவதாக கூறப்படுகிறது.