‘பையா’ படத்தின் மொத்த வசூல் குறித்த தகவல் வெளியாகியுள்ளது.
தமிழ் சினிமாவில் பிரபல முன்னணி நடிகராக வலம் வருபவர் நடிகர் கார்த்தி. இவர் நடிப்பில் வெளியாகும் படங்கள் அனைத்தும் ரசிகர்கள் மத்தியில் நல்ல வரவேற்பு கிடைத்து வருகிறது. தற்போது இவர் நடிப்பில் சர்தார் திரைப்படம் உருவாகி வருகிறது. மேலும், பொன்னியின் செல்வன் திரைப்படத்திலும் இவர் முக்கிய கதாபாத்திரத்தில் நடித்துள்ளார். இதனைத் தொடர்ந்து இயக்குனர் முத்தையா இயக்கத்தில் விருமன் படத்திலும் நடித்து முடித்திருக்கிறார்.
இதனையடுத்து, இயக்குனர் லிங்குசாமி இயக்கத்தில் கடந்த 2010 ம் ஆண்டு இவர் நடிப்பில் வெளியான திரைப்படம் ”பையா”. தமன்னா இந்தப் படத்தில் ஹீரோயினாக நடித்திருந்தார். இந்நிலையில், இந்த படத்தின் மொத்த வசூல் குறித்த தகவல் வெளியாகியுள்ளது. அதன்படி, இந்த படம் 45 கோடி வரை வசூல் செய்திருப்பதாக கூறப்படுகிறது.