ராணுவ வீரர்களை உற்சாகப்படுத்தும் வகையில் இந்திய கிரிக்கெட் அணியின் முன்னாள் கேப்டன் தோனி பாட்டு பாடும் வீடியோ காட்சி சமூக வலைதளத்தில் வைரலாகி வருகிறது.
இந்திய கிரிக்கெட் அணியின் முன்னாள் கேப்டன் தோனி தற்போது இந்திய ராணுவத்தில் பணியாற்றி வருகிறார். இதற்காக இந்திய கிரிக்கெட் வாரியத்தில் இருந்து விடுமுறை எடுத்துள்ளார். ராணுவ சேவையில் உள்ள அவர் ராணுவ வீரர்களுடன் சேர்ந்து பணியாற்றும் வீடியோ காட்சிகளும் பொழுதுபோக்கு வீடியோ காட்சிகளும் அவ்வப்போது இணையதளத்தில் வெளியிடப்பட்டு வருகின்றனர்.
இந்த வரிசையில் தோனி பாட்டு பாடும் வீடியோ காட்சி ஒன்று சமூக வலைதளத்தில் வைரலாகி வருகிறது. மேற்கிந்திய அணிக்கு எதிரான போட்டியில் தோனி பங்கேற்காததால் ஏமாற்றம் அடைந்த அவரது ரசிகர்களுக்கு இந்த வீடியோ காட்சி உற்சாகமாக அமைந்துள்ளது. கடந்த 30ம் தேதி இராணுவ சேவைக்கு சென்ற தோனி ஆகஸ்ட் 15ம் தேதி வரை இராணுவத்தில் பணியாற்றுவார் என்று எதிர்பார்க்கப்படுகிறது.