இன்று அமைச்சரவை கூட்டம்: ஊரடங்கு நீட்டிப்பு குறித்த ஆலோசனை

ஊரடங்கு குறித்து ஆலோசனை மேற்கொள்ள முதலமைச்சர் பழனிசாமி தலைமையில் இன்று அமைச்சரவை கூட்டம் நடைபெற உள்ளது

கொரோனா தடுப்பு காரணமாக நாடு முழுவதும் ஊரடங்கு உத்தரவு அமலில் உள்ளது. கொரோனா தொற்று சமூக பரவலுக்கான அடுத்த நிலையை எட்டுவதை தடுக்க ஊரடங்கு உத்தரவை நீட்டிக்க பல்வேறு தலைவர்கள் வலியுறுத்தி வருகின்றனர். மாநில முதல்வர்களும் இதே கருத்தை முன்வைக்க, பிரதமர் மோடி இதுகுறித்து விரைவில் அறிவிப்பு வெளியிடலாம் என எதிர்பார்க்கப்படுகிறது.

இந்நிலையில் இன்று மாலை 5 மணிக்கு தமிழகத்தில் அமைச்சரவை கூட்டம் நடைபெற இருக்கிறது. தலைமை செயலகத்தில் முதலமைச்சர் பழனிசாமி தலைமையில் நடக்கும் இந்த கூட்டத்தில் ஊரடங்கு உத்தரவு மற்றும் கொரோனா தடுப்பு நடவடிக்கைகள் குறித்து ஆலோசனை செய்யப்படுவதுடன் ஊரடங்கு உத்தரவை நீட்டிப்பது பற்றியும் முடிவு எடுக்க வாய்ப்புகள் அதிகம் இருக்கிறது.

இதேபோன்று தெலுங்கானா முதல்வர் சந்திரசேகர ராவும், ஊரடங்கு குறித்து முடிவு எடுக்க இன்று சிறப்பு அமைச்சரவை கூட்டத்தை கூட்டுகிறார்.