தமிழ் சினிமாவில் பிரபலமான நடிகராக வலம் வரும் விஜய் தற்போது வம்சி இயக்கத்தில் வாரிசு என்ற திரைப்படத்தில் நடித்துள்ளார். இந்த படத்தை தில் ராஜு தயாரிக்க ராஷ்மிகா மந்தனா ஹீரோயின் ஆக நடித்துள்ளார். இப்படம் அடுத்த வருடம் பொங்கல் பண்டிகையை முன்னிட்டு ரிலீஸ் ஆகும் நிலையில் நடிகர் அஜித்தின் துணிவு திரைப்படமும் பொங்கல் அன்று ரிலீஸ் ஆகிறது. அதன்பிறகு வாரிசு திரைப்படத்தை விட துணிவு அதிக திரைப்படங்களில் தமிழகத்தில் ரிலீசாக போவதாக தகவல் வெளியானதால் தயாரிப்பாளர் தில் ராஜு நேர்காணல் ஒன்றில் தமிழகத்தை பொறுத்தவரை அஜித்தை விட விஜய் தான் நம்பர் ஒன் இடத்தில் இருக்கிறார். அப்படி இருக்கும் போது துணிவு படத்திற்கு கூடுதல் தியேட்டர் ஒதுக்காமல் வாரிசு படத்திற்கு கூடுதல் தியேட்டர்கள் ஒதுக்கியுள்ளனர். இது வியாபாரம்.
இது தொடர்பாக நான் சென்னைக்கு சென்று உதயநிதியை சந்தித்து பேசப்போகிறேன் என்று ஆவேசமாக கூறியிருந்தார். தில் ராஜுவின் இந்த பேச்சு பெரும் சர்ச்சையாக மாறியதோடு தொலைக்காட்சிகளில் விவாத பொருளாகவும் பேசப்பட்டது. இந்நிலையில் தில் ராஜு தன்னை பற்றி பரவும் சலசலப்புகளுக்கு தற்போது விளக்கம் கொடுத்துள்ளார். அவர் கூறியதாவது, நான் அந்த நேர்காணலில் கிட்டத்தட்ட 45 நிமிடங்கள் பேசிய நிலையில் 20 நிமிட வீடியோவை மட்டும் சோசியல் மீடியாவில் வெளியிட்டு எனக்கு எதிராகவும், வாரிசு படத்திற்கு எதிராகவும் சிலர் தவறான கருத்துக்களை பரப்பி வருகிறார்கள். நான் நடிகர் அஜித் மற்றும் விஜய் பற்றி அந்த நிறைய நல்ல விஷயங்களை கூறியுள்ளேன். என்னுடைய முழு பேச்சையும் கவனித்தால் உங்களுக்கு அது நன்றாக தெரியும் என்று கூறியுள்ளார். மேலும் என்னை பொறுத்தவரை அனைத்து நடிகர்களும் சமம் தான். நான் எல்லா படங்களையும் ஆதரிப்பேன் என்றும் கூறியுள்ளார்.