சூப்பர் ஹிட் படத்தின் இரண்டாம் பாகத்தில் யோகி பாபு நடிக்க இருப்பதாக தகவல் வெளியாகி உள்ளது.
தமிழ் சினிமாவில் பல படங்களின் இரண்டாம் பாகங்கள் உருவாகி வருகிறது. ஆனால் அவற்றில் ஒரு சில படங்கள் மட்டுமே வெற்றி அடைகிறது. அந்த வகையில் சிங்கம், காஞ்சனா, பில்லா, விஸ்வரூபம், வேலையில்லா பட்டதாரி, அரண்மனை, சாமி உள்ளிட்ட படங்களின் இரண்டாம் பாகங்கள் வெளியாகி ரசிகர்கள் மத்தியில் நல்ல வரவேற்பு பெற்றது.
இந்நிலையில் மற்றுமொரு சூப்பர்ஹிட் படமான காசேதான் கடவுளடா படத்தின் இரண்டாம் பாகம் தயாராகி வருகிறது. மேலும் கடந்த 2002ஆம் ஆண்டு வெளியாகி மாபெரும் வெற்றி பெற்ற ‘சுந்தரா டிராவல்ஸ்’ படத்தின் இரண்டாம் பாகமும் உருவாக உள்ளதாக தகவல் வெளியாகியுள்ளது.
இந்த படத்தில் நடித்திருந்த வடிவேலு நடிகர் கதாபாத்திரத்தில் யோகிபாபு நடிக்க இருப்பதாகவும், முரளி கதாபாத்திரத்தில் கருணாகரன் நடிக்க இருப்பதாகவும் தகவல் வெளியாகி உள்ளது. இது குறித்த அதிகாரப்பூர்வ அறிவிப்பு கூடிய விரைவில் வெளியாகும் என்று எதிர்பார்க்கப்படுகிறது.