சமீபத்தில் இறந்த பிரபல இயக்குனர் எல்.பி.ஜனநாதன் வீட்டில் மற்றுமொரு சோகம் நிகழ்ந்துள்ளது.
தமிழ் சினிமாவில் வெளியான பேராண்மை, புறம்போக்கு உள்ளிட்ட பல படங்களை இயக்கியவர் எல்.பி.ஜனநாதன். இவர் விஜய் சேதுபதி நடிப்பில் உருவாகியுள்ள லாபம் படத்தை கடைசியாக இயக்கி உள்ளார். அதன்பிறகு இவர் உடல்நலக்குறைவால் காலமானார். இவரின் மறைவிற்கு பல்வேறு திரை பிரபலங்களும் தங்களது ஆழ்ந்த இரங்கலை தெரிவித்தனர்.
சிலர் நேரில் வந்து அஞ்சலி செலுத்தினர். நடிகர் விஜய் சேதுபதி இவரது இறுதி சடங்கு ஊர்வலத்தில் கலந்துகொண்டு கண்ணீர் மல்க எஸ் டி ஜனநாதனுக்கு விடை கொடுத்தார். இந்நிலையில் பெரும் சோகத்தில் இருக்கும் அவரது குடும்பத்தில் மேலும் ஒரு மரணம் நிகழ்ந்துள்ளது. ஆம், ஜனநாதனின் தங்கையான லக்ஷ்மி நேற்று உயிரிழந்தார். அடுத்தடுத்து உயிரிழப்புகள் ஏற்பட்டுள்ளாதல் திரைத்துறையில் சோகம் நிலவி வருகிறது.