அமேசான் காடுகள் அழிக்கப்படுவது கடந்த 15 வருடங்களில் இல்லாத அளவிற்கு, இந்த வருடம் அதிகரித்துள்ளது என்று ஆராய்ச்சியாளர்கள் கூறியிருக்கிறார்கள்.
பிரேசில் நாட்டின் விண்வெளி ஆய்வு நிறுவனமானது, இது குறித்த அறிக்கை ஒன்றை வெளியிட்டிருக்கிறது. அதில், கடந்த ஒரு ஆண்டில் அமேசான் காடு, சுமார் 22% அதிகமாக அழிக்கப்பட்டிருப்பதாக குறிப்பிடப்பட்டுள்ளது. அமேசான் காடுகள், புவி வெப்பமயமாதலை கட்டுப்படுத்துவதில் முக்கிய பங்கு வகிக்கிறது.
2020-21 ஆம் வருடத்தில் 13 ஆயிரத்து 235 சதுர கிலோமீட்டர் பரப்பளவு காடுகள் அழிந்திருக்கிறது. இது கடந்த 2006ஆம் வருடத்திற்கு பின் மிக அதிகம் என்று குறிப்பிடப்பட்டிருக்கிறது. மேலும் பிரேசில் நாட்டின் அதிபரான ஜெய்ர் போல்சனாரோ, நிர்வாகத்தில் தான் அதிகமாக அமேசான் காடுகள் அழிக்கப்படுகிறது என்றும் அந்த அறிக்கையில் குறிப்பிடப்பட்டிருக்கிறது.