திருநாவுக்கரசு_க்கு ஜாமீன் வழங்க வேண்டுமென்று கோரிய வழக்கை பொள்ளாச்சி நீதிமன்றம் தள்ளுபடி செய்துள்ளது.
கோவை மாவட்டம் பொள்ளாச்சியில் சில தினங்களுக்கு முன்பாக கல்லூரி மாணவிகளை பாலியல் சீண்டலுக்கு உட்பட்டு ஆபாச வீடியோ எடுத்து அவர்களை மீண்டும் பாலியலுக்கு உட்படுத்திய 4 பேர் கொண்ட கும்பல் மீது சில தினங்களுக்கு முன்பாக வழக்கு பதிவு செய்யப்பட்டது .இது தொடர்பாக 3 பேரை காவல்துறை கைது செய்தனர் . இதன் முக்கிய குற்றவாளியாக தலைமறைவாக இருந்த திருநாவுக்கரசையும் பொள்ளாச்சி கிழக்கு காவல் நிலையம் கைது செய்தது .
இந்த வழக்கு தொடர்பாக கைது செய்யப்பட்ட 4 பேர் மீது தற்போது குண்டர் தடுப்பு சட்டத்தில் வழக்கு பதிவு செய்யபட்டுள்ளது. இந்நிலையில் இன்று பொள்ளாச்சி நீதிமன்றத்தில் திருநாவுக்கரசு தாயார் செல்வி ஜாமீன் வழக்கு தொடர்ந்தார் . அந்த வழக்கு விசாரணையின் போது ,திருநாவுகரசு தலைமறைவாக இருந்ததை காரணம் காட்டி நீதிமன்றம் ஜாமீன் மனுவை தள்ளுபடி செய்தது.