கேரளாவில் பிரபல சின்னத்திரை நடிகை இணையதளத்தில் வெளியான ஆபாச வீடியோவில் இருப்பது தான் இல்லை என தெரிவித்திருக்கிறார்.
தொலைக்காட்சி தொடர்களில் நடித்து கேரளாவில் பிரபல சின்னத்திரை நடிகையாக இருந்து வருபவர் ஜூஹி ரஸ்டகி. இவர் நடித்த உப்பும் மிளகும் என்ற தொடர் கேரள ரசிகர்களிடையே பெரும் வரவேற்பை பெற்றது. அடுத்ததாக சினிமாவில் நடிக்க வாய்ப்புகளைத் தேடி வந்தார். தற்போது கொரோனா ஊரடங்கு காரணமாக பொதுமக்கள் மட்டுமன்றி நடிகர்-நடிகைகளும் வீட்டில் முடங்கி உள்ளனர்.
இந்நிலையில் சமூக வலைத்தளங்களில் ஆபாச வீடியோ ஒன்று பரவி அந்த வீடியோவில் இருப்பவர் ஜூஹி ரஸ்டகி என கூறப்பட்டது. வீடியோவை பார்த்த மலையாள ரசிகர்கள் அதனை வைரல் ஆக்கினார்கள். அதை பார்த்த ஜூஹி ரஸ்டகி அதிர்ச்சியாகி காவல்துறையில் புகார் அளித்துள்ளார்.
இதுகுறித்து அவர் “ஆபாச வீடியோ ஒன்று எனது பெயரில் சமூக வலைத்தளங்களில் வெளியாகி வைரலாகி இருக்கிறது ஆனால் அந்த வீடியோவில் வருவது நான் இல்லை. இது போலியான வீடியோ என்பதை அனைவரும் உணர வேண்டும் என கேட்டுக்கொள்கிறேன். இந்த வீடியோவை வெளியிட்டவர்களை எண்ணி பரிதாபப்படுகிறேன். அவர்களை கண்டுபிடித்து நடவடிக்கை எடுக்க எர்ணாகுளம் போலீசிலும் டிஜிபியிடமும் புகார் அளித்துள்ளேன்” இவ்வாறு கூறியுள்ளார்