அமெரிக்காவுக்கான புதிய இந்திய தூதராக தரண்ஜித் சிங் சந்து பதவியேற்றுக்கொண்டார்.
அமெரிக்காவுக்கான இந்திய தூதராக உள்ள ஹர்ஷவர்தன் சிறிங்கலா (Harsh Vardhan Shringla) வெளியுறவு செயலராக நியமிக்கப்பட்டுள்ளார். இதையடுத்து அமெரிக்காவுக்கான புதிய இந்திய தூதராக தரண்ஜித் சிங் சந்துவின் பெயர் அறிவிக்கப்பட்டது.
இதனைத் தொடர்ந்து தரண்ஜித் சிங் சந்து வாஷிங்டனில் உள்ள தனது அலுவலகத்தில், இன்று பதவியேற்றுக் கொண்டார். தொடர்ந்து நாளை மறுநாள், வாஷிங்டன் வெள்ளை மாளிகையில் அமெரிக்க அதிபர் டொனால்ட் டிரம்பை தரண்ஜித் சிங் சந்தித்து, இருநாட்டு உறவுகள் குறித்து பேசுவார் என எதிர்பார்க்கப்படுகிறது.
1988ஆம் ஆண்டு பேட்ச் ஐஎஃப்எஸ் அதிகாரியான சந்து, 2017ஆம் ஆண்டு முதல் இலங்கைக்கான இந்திய தூதராக இருந்தார். அதற்கு முன்னர் பல ஆண்டுகள் வாஷிங்டனில் இந்திய தூதரகத்தில் பணியாற்றிய அனுபவம் உள்ளவர் தரண்ஜித் சிங் சந்து.