11, 12ம் வகுப்பு மாணவர்களுக்கான செய்முறைத்தேர்வு நேரம் 3 மணி நேரத்திலிருந்து 2 மணி நேரமாக குறைக்கப்பட்டுள்ளது. தமிழகத்தில் 10, 11, 12-ம் வகுப்புகளுக்கு அடுத்த மாதம் (மே) பொதுத்தேர்வு நடைபெறுகிறது. அதற்கு முன்பாக செய்முறை தேர்வு நாளை மறுநாள் (திங்கட்கிழமை) தொடங்கி வருகிற 2-ந் தேதி வரை நடக்கிறது. இது தொடர்பாக அந்தந்த மாவட்ட முதன்மை கல்வி அலுவலர் வெளியிட்டுள்ள சுற்றறிக்கையில், செய்முறை தேர்விற்கான கால அளவு 2 மணி நேரம் என குறிப்பிடப்பட்டுள்ளது.
நீட் தேர்வு எழுதும் நேரத்தை அதிகரிக்க உள்ளதாக தேசிய தேர்வு முகமை கூறியுள்ளது. இதுவரை நீட் தேர்வு எழுதுவதற்கு மூன்று மணி நேரம் மட்டுமே அனுமதி வழங்கப்பட்டது. தற்போது கூடுதலாக 20 நிமிடங்கள் அதிகரிக்கப்பட்டுள்ளன. கடந்த 2016ம் ஆண்டு முதல் 2021 ம் ஆண்டு வரையிலான காலகட்டத்தில் நீட் தேர்வு எழுதுவதற்கு மூன்று மணிநேரம் வழங்கப்பட்டு வந்தது. ஆனால் ஒரு கேள்விக்கு ஒரு நிமிடம் என்று எடுத்தால் கூட 200 கேள்விகளுக்கு 200 நிமிடங்கள் ஒதுக்கப்பட வேண்டும். […]