டி20 உலக கோப்பை தொடரில் நியூசிலாந்து அணிக்கெதிரான ஆட்டத்தில் 5 விக்கெட் வித்தியாசத்தில் பாகிஸ்தான் அணி அபார வெற்றி பெற்றுள்ளது .
7-வது டி20 உலக கோப்பை தொடரில் ‘சூப்பர் 12’ சுற்றுப் போட்டிகள் நடைபெற்று வருகின்றன. இதில் நேற்று இரவு நடைபெற்ற ஆட்டத்தில் ‘குரூப் பி ‘ பிரிவில் இடம் பிடித்த பாகிஸ்தான் – நியூசிலாந்து அணிகள் பலப்பரீட்சை நடத்தின இதில் டாஸ் வென்ற பாகிஸ்தான் அணி பீல்டிங் தேர்வு செய்தது. அதன்படி முதலில் களமிறங்கிய நியூசிலாந்து அணி 20 ஓவர் முடிவில் 8 விக்கெட் இழப்புக்கு 134 ரன்கள் குவித்தது .இதில் அதிகபட்சமாக மிட்செல் மற்றும் டேவன் கான்வே 27 ரன்கள் எடுத்தனர். பாகிஸ்தான் அணி தரப்பில் ஹரீஸ் ராப் 4 விக்கெட் கைப்பற்றி அசத்தினார்.
இதன்பிறகு 135 ரன்கள் வெற்றி இலக்காக கொண்டு பாகிஸ்தான் அணி விளையாடியது இதில் அதிகபட்சமாக தொடக்க வீரர் ரிஸ்வான் 33 ரன்னும், ஆசிப் அலி 27 ரன்னும் ஷோயப் மாலிக் 26 ரன்னும் எடுத்தனர். இறுதியாக பாகிஸ்தான் அணி 18.4 ஓவரில் 5 விக்கெட் இழப்புக்கு 135 ரன்கள் குவித்து 5 விக்கெட் வித்தியாசத்தில் அபார வெற்றி பெற்றது. இதன் மூலம் பாகிஸ்தான் அணி தனது 2-வது வெற்றியை பதிவு செய்துள்ளது.