இங்கிலாந்து அணிக்கு எதிரான ஆட்டத்தில் 10 ரன்கள் வித்தியாசத்தில் தென் ஆப்பிரிக்கா அணி வெற்றி பெற்றாலும் அரையிறுதி வாய்ப்பை இழந்தது.
டி20 உலக கோப்பை தொடரில் சூப்பர் 12 சுற்றுப் போட்டிகள் தற்போது இறுதிக்கட்டத்தை நெருங்கியுள்ளது .இதில் 12 அணிகள் ‘குரூப்-1’ , ‘குரூப்-2’ என இரண்டாக பிரிக்கப்பட்டுள்ளது. இதில் ஒவ்வொரு முறையும் தங்கள் பிரிவில் உள்ள மற்ற அணிகளுடன் தலா ஒரு முறை மோத வேண்டும். இதில் இரண்டு பிரிவிலும் முதல் 2 இடங்களை பிடிக்கும் அணிகள் அரை இறுதிக்கு தகுதி பெறும் .
அதன்படி ‘குரூப்-1’ பிரிவில் இடம்பிடித்த இங்கிலாந்து ,ஆஸ்திரேலியா, தென் ஆப்பிரிக்கா ஆகிய அணிகள் 5 போட்டிகளில் விளையாடி 4 வெற்றி பெற்று 8 புள்ளிகளுடன் சமநிலையில் இருந்தது. ஆனால் ரன் ரேட் அடிப்படையில் இங்கிலாந்து அணி முதலிடத்திலும் ஆஸ்திரேலிய அணி 2-வது இடத்திலும் இருந்ததால் இந்த இரு அணிகளும் அரையிறுதிக்கு முன்னேறி உள்ளன .இதற்கு முன்பாக இலங்கை வெஸ்ட் இண்டீஸ் மற்றும் வங்காளதேசம் ஆகிய அணிகள் அரையிறுதி வாய்ப்பை இழந்து விட்டது.