உலகக்கோப்பை தகுதி சுற்றில் இன்று (16ஆம் தேதி) இலங்கை – நமீபியா மற்றும் நெதர்லாந்து – ஐக்கிய அரபு அமீரகம் அணிகள் மோதுகின்றன..
8ஆவது டி20 உலகக்கோப்பை கிரிக்கெட் தொடர் ஆஸ்திரேலியாவில் இன்று தொடங்குகிறது. இந்த கிரிக்கெட் திருவிழா நவம்பர் 13 ஆம் தேதி வரை நடைபெறுகிறது. இந்த தொடரில் மொத்தம் 16 நாடுகள் பங்கேற்று இருக்கிறது. ஆஸ்திரேலியாவின் 7 நகரங்களில் நடைபெறும் இந்த தொடரின் முதல் சுற்று (தகுதி சுற்று) போட்டியில் வெஸ்ட் இண்டீஸ், இலங்கை, நமீபியா, நெதர்லாந்து, ஸ்காட்லாந்து, அயர்லாந்து, ஜிம்பாப்வே, ஐக்கிய அரபு அமீரகம் ஆகிய 8 அணிகள் விளையாடுகின்றன. இதில் இருந்து 4 அணிகள் சூப்பர் 12 சுற்றுக்கு முன்னேறும்.. அதே சமயம் இந்தியா, பாகிஸ்தான், நடப்புச் சாம்பியன் ஆஸ்திரேலியா, இங்கிலாந்து, நியூசிலாந்து, தென்னாப்பிரிக்கா, ஆப்கானிஸ்தான், வங்கதேசம் ஆகிய 8 அணிகளும் சர்வதேச தரவரிசை அடிப்படையில் நேரடியாக சூப்பர் 12 சுற்றுக்குள் நுழைந்துள்ளன. ஒட்டு மொத்தமாக 45 போட்டிகள் நடைபெறுகிறது. 22ஆம் தேதி நடைபெறும் சூப்பர் 12 சுற்றின் முதல் போட்டியில் ஆஸ்திரேலியா – நியூசிலாந்து அணிகள் மோதுகின்றன..
இந்நிலையில் இன்று முதல் சுற்று போட்டியில் குரூப் இலங்கை மற்றும் நமீபியா அணிகள் ஜீலோங் மைதானத்தில் இந்திய நேரப்படி காலை 9.30 மணி அளவில் மோதுகின்றன. ஒரு பெரிய போட்டியில் இரு அணிகளும் நேருக்கு நேர் மோதுவது இது முதல் முறை அல்ல. நமீபியாவும், இலங்கையும் கடந்த டி20 உலகக் கோப்பையில் ஒரே குழுவில் இடம் பெற்றன, அங்கு அவர்கள் தங்கள் தொடக்க ஆட்டத்திலும் ஒருவருக்கொருவர் எதிராக விளையாடினர். இந்த போட்டி நமீபியா கேப்டன் ஹெகார்ட் எராஸ்மஸ் (Gerhard Erasmus) மற்றும் அவரது வீரர்களுக்கு மகிழ்ச்சியான நினைவுகளைத் தரவில்லை, ஏனெனில் இலங்கை அணி நமீபியாவை 96 ரன்களுக்கு ஆட்டமிழக்க செய்து, 7 விக்கெட்டுகள் வித்தியாசத்தில் வென்றது.
ஆனால் நமீபியா தனது மீதமுள்ள போட்டிகளில் அயர்லாந்து மற்றும் நெதர்லாந்துக்கு எதிராக வெற்றி பெற்று சூப்பர் 12 க்கு தகுதி பெற்றது மற்றும் அந்த கட்டத்தில் ஸ்காட்லாந்தை வீழ்த்தி பின் வெளியேறியது. அன்றிலிருந்து நமீபியா அணி தன்னம்பிக்கையிலும் அனுபவத்திலும் வளர்ந்துள்ளது, மேலும் இந்த வார தொடக்கத்தில் மெகா உலகக் கோப்பை நிகழ்வுக்கு முன்னதாக நடந்த பயிற்சி ஆட்டத்தில் அயர்லாந்தை 11 ரன்கள் வித்தியாசத்தில் நமீபியா வீழ்த்தியது. எனவே நமீபியா இந்த முறை இன்னும் சிறப்பான ஆட்டத்தை விளையாடும் என எதிர்பார்க்கலாம், மேலும் அவர்கள் இலங்கைக்கு எதிரான வெற்றியுடன் தங்கள் பயணத்தை தொடங்க விரும்புகிறார்கள்.
மறுபுறம், இந்தியா, பாகிஸ்தான், ஆப்கானிஸ்தான் மற்றும் பங்களாதேஷ் போன்ற அணிகளை வீழ்த்தி ஆசியக் கோப்பையை வென்றதன் மூலம் சாம்பியனாக இருக்கும் இலங்கை இந்த போட்டியை வெல்ல நல்ல வலுவாக இருக்கிறது. 5 தொடர்ச்சியான வெற்றிகளைக் கொண்ட அந்த ஆசியக்கோப்பை வெற்றியால், கடந்த டி20 உலகக் கோப்பை தொடரிலிருந்து கவலையளிக்கும் தோல்விக்கு முட்டுக்கட்டை போட்டது. அந்த ஆசியக் கோப்பை வெற்றியுடன் முடிப்பதற்கு முன், இலங்கை இந்த ஆண்டு தனது முதல் 10 டி20 போட்டிகளில் ஒன்பதை இழந்தது.
ஜிம்பாப்வேக்கு எதிரான பயிற்சி ஆட்டத்தில் சிறப்பான ஆட்டத்தை வெளிப்படுத்தியதால், இலங்கை வீரர்கள் தன்னம்பிக்கையுடன் இருக்கின்றனர். குசல் மெண்டிஸ் மற்றும் வனிந்து ஹசரங்க போன்ற பேட்டர்களால் தசுன் ஷனக்க அணி 33 ரன்கள் வித்தியாசத்தில் வெற்றி பெற்றது. எனவே அவர்கள் இப்போது இதே உத்வேகத்துடன் நமீபியாவுக்கு எதிராக செயல்பட பார்ப்பார்கள்..
Can Namibia resume their brilliance from the last tournament as they take on the Asia Cup champions Sri Lanka? 💪🏻
Match 1 Preview from the #T20WorldCup 👇🏻#SLvNAM https://t.co/cbk9rgtK3S
— ICC (@ICC) October 15, 2022
ப்ளேயிங் XIகள் கணிக்கப்பட்டது
இலங்கை:
பதும் நிஸ்ஸங்க, குசல் மெண்டிஸ், தனஞ்சய டி சில்வா, தனுஷ்க குணதிலகா, பானுக ராஜபக்ச (வி.கே), தசுன் ஷனக (கே), வனிந்து ஹசரங்கா, சாமிக்க கருணாரத்னே, துஷ்மந்த சமீரா, மஹீஷ் தீக்ஷனா, தில்ஷன் மதுஷங்க.
நமீபியா:
திவான் லா காக், மைக்கேல் வான் லிங்கன், ஜான் நிகோல் லோஃப்டி-ஈடன், ஜெர்ஹார்ட் எராஸ்மஸ் (கே), ஜான் ஃப்ரைலின்க், ஜேஜே ஸ்மிட், டேவிட் வைஸ், ரூபன் டிரம்பெல்மேன், ஜேன் கிரீன் (வி.கே ), பெர்னார்ட் ஷால்ட்ஸ், டாங்கேனி லுங்காமேனி.
இலங்கைக்கும், நமீபியாவுக்கும் இடையிலான போட்டி முடிந்த பின் அதே மைதானத்தில் மற்றொரு ஆட்டத்தில் நெதர்லாந்து – ஐக்கிய அரபு அமீரகம் பிற்பகல் 1:30 மணி அளவில் பலப்பரிட்சை நடத்துகின்றன.
UAE will aim to better their record against Netherlands in ICC events when they lock horns in the #T20WorldCup clash on Sunday 👀
Match 2 Preview from the #T20WorldCup 👇🏻#UAEvNEDhttps://t.co/Vn16jcT0gd
— ICC (@ICC) October 15, 2022
ப்ளேயிங் XIகள் கணிக்கப்பட்டது
நெதர்லாந்து:
ஸ்டீபன் மைபர்க், மேக்ஸ் ஓடோவ்ட், விக்ரம்ஜித் சிங், பாஸ் டி லீட், டாம் கூப்பர், ஸ்காட் எட்வர்ட்ஸ் (கே & வி.கே .), ரோலோஃப் வான் டெர் மெர்வே, டிம் வான் டெர் குக்டன், ஷாரிஸ் அஹ்மத், பிரெட் கிளாசென், பிராண்டன் குளோவர்.
ஐக்கிய அரபு எமிரேட்ஸ்:
முஹம்மது வசீம், சிராக் சூரி, ஆர்யன் லக்ரா, விருத்தியா அரவிந்த் (வி.கே ), சுண்டங்கபோயில் ரிஸ்வான் (கே), பாசில் ஹமீது, அயன் அப்சல் கான், ஜாவர் ஃபரித், கார்த்திக் மெய்யப்பன், ஜுனைத் சித்திக், ஜாகூர் கான்