பெண்களுக்கான சூப்பர் சமையல் டிப்ஸ் குறித்து இதில் பார்ப்போம். பெண்களுக்கு வீட்டில் உள்ள சில பொருட்களில் வண்டு, புழுக்கள் விழும்போது மிகவும் எரிச்சலாக இருக்கும். அதிலிருந்து உணவுகளை பாதுகாக்க சில எளிய டிப்ஸ்களை இதில் பார்ப்போம்.
ரவா, மைதா உள்ள டப்பாவில் பூச்சி புழுக்கள் வராமல் இருக்க கொஞ்சம் வசம்பை தட்டிப் போட்டால் பூச்சி போல வராது.
தயிர் நீண்ட நேரம் புளிக்காமல் இருக்க இஞ்சியின் தோலை சீவி விட்டு கொஞ்சம் தட்டி தயிரில் போட்டால் புளிக்கவே புளிக்காது.
காய்ந்த மிளகாயை வறுக்கும்போது நெடி வந்தால் அவற்றை தவிர்ப்பதற்கு சிறிது உப்பு போட்டு வறுத்தால் நெடி வராது.
பச்சை மிளகாயை காம்புடன் வைக்காமல் காம்பை எடுத்து விட்டு நிழலான இடத்தில் வைத்தால் நீண்ட நாட்கள் அப்படியே இருக்கும்.
தோசை சுடும்போது தோசைக்கல்லில் மாவு ஒட்டிக்கொண்டு தோசை வராமல் இருந்தால் அதற்கு கொஞ்சம் புளியை ஒரு வெள்ளைத்துணியில் கட்டி அதை எண்ணெய்யில் தொட்டு கல்லில் தேய்த்துவிட்டு தோசை நன்றாக வரும்.