தமிழ் தொலைக்காட்சி சேனல்களில் சன் டிவியை சிறியவர்கள் முதல் பெரியவர்கள் வரை அனைவருமே விரும்புவர். சன் டிவியில் ஒளிபரப்பாகும் சீரியல்களுக்கு இளைஞர்கள் முதல் பெரியவர்கள் வரை ரசிகர்கள் பட்டாளம் ஏராளம். இதேபோன்று ரியாலிட்டி ஷோக்கள் மற்றும் சீரியல்களில் விஜய் டிவியும் டாப் இடத்தில் இருக்கிறது. இந்த டிவியில் ஒளிபரப்பாகும் ராஜா ராணி 2, பாரதி கண்ணம்மா, பாக்கியலட்சுமி மற்றும் ஈரமான ரோஜாவே 2 போன்ற சீரியல்கள் ரசிகர்கள் மத்தியில் மிகவும் பிரபலம்.
இந்நிலையில் சன் டிவியில் கோலங்கள் என்ற சீரியலை இயக்கிய இயக்குனர் திருசெல்வம் தற்போது எதிர்நீச்சல் என்ற புதிய சீரியலை இயக்குகிறார். இந்த சீரியல் ஆண் ஆதிக்கத்தை அடிப்படையாகக் கொண்டு எடுக்கப்பட்டுள்ளது. சமையலறையில் அடைக்கப்பட்ட பெண்கள் அதிலிருந்து மீண்டு எப்படி சாதனைப் பெண்களாக மாறுகிறார்கள் என்பது தான் எதிர்நீச்சல் தொடர்.
இந்த சீரியலில் இடம்பெற்றுள்ள வசனங்கள் அனைத்தும் மிகவும் அதிரடியாக அமைந்துள்ளது. இந்நிலையில் எதிர்நீச்சல் சீரியலானது டிஆர்பி ரேட்டிங்கில் முதல் இடத்தை பிடித்துள்ளது. மேலும் விஜய் டிவியை பின்னுக்கு தள்ளி சன் தொலைக்காட்சியின் எதிர்நீச்சல் சீரியல் டிஆர்பி ரேட்டிங்கில் முதல் இடத்தை பிடித்துள்ளது என்பது குறிப்பிடத்தக்கதாகும்.