இலவச லேப்டாப் வழங்குவதற்கு விண்ணப்பிக்க இந்த லிங்கை கிளிக் செய்யவும் என்று ஒரு இணையதள முகவரி கொடுக்கப்பட்டுள்ளது. இது முற்றிலும் போலியானது.
கடந்த சில ஆண்டுகளாக அரசு பள்ளி மாணவர்களுக்கு இலவச லேப்டாப் வழங்கப்பட்டு வருகிறது. மேலும் இந்த இலவச லேப்டாப் வாங்குவதற்கு இந்த லிங்கை கிளிக் செய்யவும் என குறிப்பிட்டு ஒரு இணையதள முகவரி சமூக வலைதளங்களில் பரவிவருகிறது. உங்கள் பகுதியில் ஆன்லைன் வகுப்பில் கலந்துகொள்ள முடியாத ஏழை மாணவர்களுக்கு உதவி கிடைக்கட்டும், அதிகம் பகிரவும் என குறிப்பிட்டு இந்த இணையதள முகவரி பரப்பப்பட்டு வருகிறது.
இந்நிலையில் இந்த செய்தி முற்றிலும் போலியானது. இது தொடர்பாக அரசுக்கு சொந்தமான பிஐடி தனது ட்விட்டர் பக்கத்தில் இந்த தகவல் முற்றிலும் பொய்யானது. இதுபோன்ற அரசு எந்த அறிவிப்பையும் வெளியிடவில்லை என்று உறுதிப்படுத்தியுள்ளது.