சிவாவின் ‘சுமோ’ திரைப்படம் ஓடிடியில் ரிலீஸ் செய்ய இருப்பதாக தகவல் வெளியாகி உள்ளது.
தமிழகம் முழுவதும் கொரோனா தொற்றின் இரண்டாம் அலை வேகமாக பரவி வருகிறது. இதனை கட்டுப்படுத்த கட்டுப்பாட்டு விதிகளும் அமல்படுத்தப்பட்டுள்ளது. அதன்படி திரையரங்குகளும் மூடப்பட்டுள்ளது. இதனால் ரிலீசுக்கு தயாராக இருந்த திரைப்படங்கள் அனைத்தும் ஓடிடி தளத்தில் வெளியிட பேச்சுவார்த்தை நடத்தப்பட்டு வருகிறது.
அந்த வகையில் தமிழ் சினிமாவின் பிரபல நடிகராக வலம் வரும் சிவாவின் ‘சுமோ’ திரைப்படம் ஓடிடில் வெளியாக இருப்பதாக உறுதி செய்யப்பட்டுள்ளது. இப்படத்தில் சிவாவுக்கு ஜோடியாக பிரபல நடிகை பிரியா ஆனந்த் நடித்துள்ளார். மேலும் யோகி பாபு, விடிவி கணேஷ் உள்ளிட்டோர் இப்படத்தில் முக்கிய கதாபாத்திரத்தில் நடித்துள்ளனர்.
மல்யுத்த வீரர்களின் வாழ்க்கை கதையை மையமாக வைத்து எடுக்கப்பட்டுள்ள இப்படத்தினை ஹோசிமின் இயக்கியுள்ளார். மேலும் பிரபல மல்யுத்த வீரர் யோஷினோரி தாஷிரோவும் இப்படத்தில் முக்கிய கதாபாத்திரத்தில் நடித்திருக்கிறார் என்பது குறிப்பிடத்தக்கது.