அமெரிக்காவில் 94 வது ஆஸ்கர் விருது வழங்கும் விழா கோலாகலமாக நடைபெற்றது.
அமெரிக்காவின் லாஸ் ஏஞ்சல்ஸ் நகரின் ஹாலிவுட் பவுல்வார்ட்டில் உள்ள டால்பி திரையரங்கத்தில் 94 ஆவது ஆஸ்கர் வழங்கும் விழா கோலாகலமாக நடைபெற்றது. இதற்கிடையில் கடந்த 4 வருடங்களாக தொகுப்பாளர் இன்றி ஆஸ்கர் விருது விழா நடைபெற்று வந்த நிலையில் இந்த ஆண்டு ஏமி ஸ்கூமர், வாண்டா சைக்ஸ், ரெஜினா ஹால் என்று 3 பெண்கள் தொகுத்து வழங்கியுள்ளனர். ஆஸ்கர் விருது வழங்கும் விழாவை பெண்கள் தொகுத்து வருவது இதுவே முதல் முறையாகும்.
இந்த நிலையில் ஹாலிவுட் நடிகர் வில் ஸ்மித் “கிங் ரிச்சர்ட்“ படத்திற்கு சிறந்த நடிகருக்கான விருதை பெற்றுள்ளார். இதனைத் தொடர்ந்து ஜப்பான் நாட்டு திரைப்படமான “டிரைவ் மை கார்” (Drive my car) படத்திற்கு சிறந்த வெளிநாட்டு திரைப்படம் என்ற ஆஸ்கார் விருது கிடைத்துள்ளது. இந்த படத்தை யூசுக் ஹமாகுச்சி (ryusuke hamaguchi) இயக்கியுள்ளார் என்பது குறிப்பிடத்தக்கது.