பிரபல நடிகை ஹன்சிகா நடிக்கும் புதிய படம் குறித்த தகவல் வெளியாகியுள்ளது.
தமிழ் திரையுலகில் பல முன்னணி நடிகர்களுடன் நடித்து பிரபலமானவர் நடிகை ஹன்சிகா. இவர் தற்போது தெலுங்கில் “105 நிமிடங்கள்” என்ற புதிய படத்தில் நடிக்க ஒப்பந்தமாகியுள்ளார். ராஜூ துஷா இயக்கும் இப்படத்தை பூமக் சிவா தயாரிக்கிறார். இப்படத்தில் ஹன்சிகா மட்டும் நடிக்க இருப்பதாக தகவல் வெளியாகி உள்ளது.
இதுகுறித்து ஹன்சிகா கூறியதாவது, சிங்கிள் கேரக்டர், சிங்கிள் ஷாட்டில் தயாராகும் இந்த படம் இந்திய சினிமாவில் ஒரு புதிய முயற்சியாக இருக்கும். மேலும் இப்படம் எனது கேரியரில் மைல் கல்லாக இருக்கும் என்றும் கூறியுள்ளார்.ஆகையால் இந்த வித்தியாசமான படத்தை பார்ப்பதற்கு ரசிகர்கள் ஆவலுடன் காத்துக் கொண்டிருக்கின்றனர்.