‘மஹா’ படத்தின் ரிலீஸ் தேதியை படக்குழுவினர் அறிவித்துள்ளனர்.
தமிழ் சினிமாவில் பிரபல முன்னணி நடிகராக வலம் வருபவர் நடிகர் சிம்பு. இவர் நடிப்பில் சமீபத்தில் வெளியான ”மாநாடு” திரைப்படம் ரசிகர்கள் மத்தியில் நல்ல வரவேற்பை பெற்று வெற்றியடைந்தது. இதனையடுத்து இயக்குனர் யூ. ஆர். ஜமீல் இயக்கத்தில் இவர் நடித்துள்ள திரைப்படம் ”மஹா”. இந்த படத்தில் கதாநாயகியாக ஹன்சிகா நடித்துள்ளார்.
இந்த படத்தை மாலிக் ஸ்கிரீன்ஸ் மற்றும் எட்செட்ரா என்டர்டைன்மென்ட் நிறுவனம் இணைந்து தயாரித்துள்ளது. சிறப்பு வேடத்தில் இந்த படத்தில் சிம்பு நடித்துள்ளார். லக்ஷ்மன் ஒளிப்பதிவு செய்யும் இந்த படத்துக்கு ஜிப்ரான் இசையமைத்துள்ளார். இந்த படம் உருவாகி இரண்டு ஆண்டுகளுக்கு மேலாகியும் வெளியாகாமல் இருந்தது. தற்போது இந்த படத்தின் ரிலீஸ் தேதியை படக்குழுவினர் அறிவித்துள்ளனர்.