தென்னிந்திய சினிமாவில் பிரபலமான நடிகையாக வலம் வருபவர் நடிகை சமந்தா. இவர் சூர்யா, விஜய் மற்றும் சிவகார்த்திகேயன் போன்ற பல முன்னணி நடிகர்களுடன் நடித்து பிரபலம் அடைந்துள்ளார். இது மட்டுமின்றி மலையாளம், தெலுங்கு மற்றும் ஹிந்தி என பல மொழிகளிலும் தனது திறமையான நடிப்பை வெளிப்படுத்தி திறமையான நடிகை என பெயர் எடுத்துள்ளார்.
இவர் நடிகர் நாகசைதன்யாவை காதலித்து திருமணம் செய்து கொண்ட நிலையில் இருவரும் விவகாரத்து பெற்று பிரிந்தனர். இதன்பின் சமந்தா ஒரு சில படங்களில் நடித்து வருகிறார். சமீபத்தில் காத்து வாக்குல ரெண்டு காதல் என்ற படத்தில் நடித்தார். இதற்கிடையில் நடிகை சமந்தாவுக்கு ஒரு வகை சரும நோய் ஏற்பட்டதால் அதற்கு சிகிச்சை எடுக்கவே அமெரிக்கா சென்றுள்ளார் என்று கூறப்பட்டது.
இந்த நிலையில், அவர் சிகிச்சை முடித்து, இம்மாத இறுதியில் இந்தியா திரும்ப உள்ளதாக தகவல் வெளியாகியுள்ளது. Polymorphous Light Eruption என்ற நோயால் அவர் அவதிப்பட்டு வருவதாக தொடர்ந்து வதந்திகள் பரவின. இதற்கு சமந்தாவின் மேனேஜர் சமீபத்தில் மறுப்பு தெரிவித்திருந்தார். ஆனால் இது குறித்து சமந்தா இதுவரை நேரடியாக மறுப்பு தெரிவிக்கவில்லை.