12 வயது சிறுமியை கடத்த முயன்ற குற்றத்திற்காக ஆண் நபர் ஒருவரை போலீசார் கைது செய்துள்ளனர்.
கனடாவில் ரொறன்ரோ பகுதியில் கடந்த 23ஆம் தேதி மாலை 5.30 மணிக்கு 12 வயது சிறுமி ஒருவர் சாலையில் நடந்து சென்று கொண்டிருந்தார். அந்த சமயத்தில் ராபர்டோ அர்மாண்டோ என்ற நபர் அந்த சிறுமியிடம் பேச முயன்றுள்ளார். பின்னர் அந்த நபர் சிறுமியிடம் அவர் எங்கு தங்கியிருக்கிறார்? வயது என்ன? போன்ற கேள்விகளை எழுப்பியுள்ளார். அதன்பின் தன்னுடன் வருமாறு அந்த சிறுமியை கட்டாயப்படுத்தி இருக்கிறார்.
ஆனால் சிறுமி வருவதற்கு விருப்பமில்லை என தெளிவாகக் கூறியிருக்கிறார். இந்த சம்பவம் குறித்து சிறுமியின் பெற்றோர் காவல் நிலையத்தில் புகார் அளித்துள்ளனர். இந்த புகாரின் பேரில் ராபர்டோ அர்மாண்டோ போலீசாரால் கைது செய்யப்பட்டுள்ளார். மேலும் அவரிடம் போலீசார் தொடர்ந்து விசாரணை நடத்தி வருகின்றனர். இந்த சம்பவம் குறித்து மேலும் அதிக தகவல்கள் கிடைக்கும் என எதிர்பார்க்கப்படுவதாக போலீசார் தெரிவித்துள்ளனர்.