‘துணிவு’ படம் குறித்த அசத்தலான அப்டேட் வெளியாகியுள்ளது.
தமிழ் சினிமாவில் பிரபல முன்னணி நட்சத்திரங்களில் ஒருவராக வலம் வருபவர் நடிகர் அஜித். இவர் நடிப்பில் வெளியாகும் திரைப்படங்கள் தொடர்ந்து ரசிகர்கள் மத்தியில் நல்ல வரவேற்பு பெற்று வருகிறது. இவர் நடிப்பில் கடைசியாக வெளியான திரைப்படம் ‘வலிமை’. இந்த படத்திற்கு பிறகு இவர் இயக்குனர் வினோத் இயக்கத்தில் ‘துணிவு’ படத்தில் நடித்து வருகிறார்.
இந்த படத்தில் கதாநாயகியாக மஞ்சு வாரியார் நடித்துள்ளார். மேலும், இந்த படத்தில் சமுத்திரகனி முக்கிய கதாபாத்திரத்தில் நடித்திருக்கிறார். ஜிப்ரான் இசையமைக்கும் இந்த படத்தின் படப்பிடிப்பு முடிவடைந்து அடுத்தடுத்து அப்டேட்டுகள் வெளியாகி வருகிறது.பெரிய எதிர்பார்ப்பை ஏற்படுத்தி உள்ள இந்த படம் வரும் பொங்கல் பண்டிகையை முன்னிட்டு வெளியாக உள்ளது.
இந்நிலையில், ‘துணிவு’ படம் குறித்த அசத்தலான அப்டேட் வெளியாகியுள்ளது. அதன்படி, இந்த படத்தின் டப்பிங் பணிகளை இயக்குனர் வினோத் தொடங்கி இருக்கிறார். டப்பிங் ஸ்டுடியோவில் இவர் இருக்கும் புகைப்படம் ஒன்று இணையத்தில் வெளியாகி இதை உறுதிப்படுத்தி இருக்கிறது.