தமிழ் சினிமாவில் முன்னணி இயக்குனராக வலம் வருபவர் ஏ.ஆர் முருகதாஸ். இவர் தீனா, ரமணா, கஜினி, ஏழாம் அறிவு உள்ளிட்ட பல சூப்பர் ஹிட் படங்களை இயக்கியுள்ளார். இவர் இயக்கிய கஜினி திரைப்படம் கடந்த 2005-ஆம் ஆண்டு ரிலீஸ் ஆகி சூப்பர் ஹிட் ஆனது. இந்த படத்தில் நடிகர் சூர்யா ஹீரோவாக நடித்திருந்தார். இந்த படத்திற்குப் பிறகு கடந்த 2007-ஆம் ஆண்டு சூர்யா, ஏ.ஆர் முருகதாஸ் கூட்டணியில் ஏழாம் அறிவு திரைப்படம் உருவானது. இந்த படமும் நல்ல வரவேற்பை பெற்றது.
இந்த படத்தை தொடர்ந்து துப்பாக்கி, கத்தி, சர்கார், தர்பார் உள்ளிட்ட படங்களை இயக்கினார். இந்நிலையில் ஏ.ஆர் முருகதாஸ் மீண்டும் நடிகர் சூர்யாவுடன் ஒரு புதிய படத்தில் இணைய இருப்பதாக தகவல் வெளியாகியுள்ளது. அதாவது கஜினி 2 படத்தை இயக்குவதற்கான பேச்சுவார்த்தைகள் தற்போது நடைபெற்று வருவதாகவும் பேச்சுவார்த்தைகள் முடிவடைந்த பிறகு அதிகாரப்பூர்வ அறிவிப்பு வெளியாகும் என்றும் கூறப்படுகிறது. மேலும் 11 வருடங்களுக்கு பிறகு மீண்டும் சூர்யா மற்றும் ஏ.ஆர் முருகதாஸ் கூட்டணி இணைவது ரசிகர்கள் மத்தியில் மிகுந்த எதிர்பார்ப்பை ஏற்படுத்தியுள்ளது.