சந்தானம் நடிப்பில் சென்ற ஆண்டு பாரிஸ் ஜெயராஜ், டிக்கிலோனா, சபாபதி போன்ற திரைப்படங்கள் வெளியாகியது. மேலும் அண்மையில் “குலு குலு” திரைப்படம் வெளியாகி கலவையான விமர்சனங்களை பெற்றது. இதையடுத்து சந்தானம் நாயகனாக நடிக்கும் அவரது 15-வது படமான “கிக்” திரைப்படத்தை லவ்குரு, கானா பஜானா , விசில், ஆரஞ்ச் ஆகிய கன்னடப் படங்களை இயக்கிய பிரசாந்த்ராஜ் இயக்குகிறார். தாராளபிரபு திரைப்படத்தில் நாயகியாக நடித்திருக்கும் தான்யாஹோப் இந்த படத்தில் சந்தானத்திற்கு ஜோடியாக நடிக்கிறார்.
மேலும் இந்த படத்தில் பாக்யராஜ், செந்தில், கோவை சரளா, மன்சூர் அலிகான், மனோ பாலா, மொட்டை ராஜேந்திரன், வையாபுரி ஆகியோர் நடிக்கின்றனர். இந்த படத்தின் சூட்டிங் பூஜையுடன் பெங்களூரில் நடந்தது. அதுமட்டுமின்றி சென்னை, பாங்காங், லண்டன் என பல்வேறு இடங்களில் படப்பிடிப்பு நடைபெற்று உள்ளது. இப்படத்திற்கு அர்ஜுன் ஜன்யா இசையமைத்துள்ளார். இப்போது 2வது பாடலை கானா பாலா எழுதிய நிலையில், அதை ஆண்டனி தாசன் பாடியிருக்கிறார்.