ரஷ்யாவின் தன்னலக்குழுத் தலைவர்கள் இருவர் வெவ்வேறு நாடுகளில் மனைவி, குழந்தைகளோடு மர்மமாக இறந்து கிடந்த சம்பவம் அதிர்ச்சியை ஏற்படுத்தியுள்ளது.
ரஷ்ய தலைநகர் மற்றும் ஸ்பெயினில் உள்ள ஆடம்பர குடியிருப்புகளில் ரஷ்யாவின் இரு தன்னலக்குழுத் தலைவர்கள் Sergey Protosenya, Vladislav Avayev தங்கள் மனைவி, குழந்தைகளோடு மர்மமாக உயிரிழந்துள்ளனர். தற்போது, புலனாய்வாளர்கள் அனைத்து கோணங்களிலும் தீவிரமாக விசாரணை செய்து வருகிறார்கள்.
மாஸ்கோ நகரில் தனியாருக்குரிய Gazprombank என்ற ரஷ்ய வங்கியின் முன்னாள் துணை தலைவராக இருந்த Vladislav Avayev, தன் வீட்டில் மனைவி மற்றும் மகளுடன் கடந்த திங்கட்கிழமை அன்று உயிரிழந்த நிலையில் கண்டறியப்பட்டிருக்கிறார். அவர்களின் உடலில் துப்பாக்கியால் சுடப்பட்ட காயங்கள் இருந்ததாக தெரிவிக்கப்பட்டிருக்கிறது.
இவரை தொடர்ந்து, அதற்கு மறுநாள் 2000 மைல்கள் தொலைவில் Sergey Protosenya, அவரின் குடியிருப்பில் தூக்கு மாட்டி உயிரிழந்த நிலையில் கண்டறியப்பட்டதாக கூறப்பட்டிருக்கிறது. மேலும் அவரின் உடல் கிடந்த இடத்திற்கு அருகில் ரத்தக்கறையுடன் கத்தியும் கோடாரியும் கிடந்திருக்கிறது. எனவே அதிகாரிகள் தற்கொலை மற்றும் கொலை கோணத்தில் விசாரணை நடத்தி வருகிறார்கள்.