நிகழ்ச்சி ஒன்றில் மாலை அணிந்து கொண்ட படி முன்னணி நடிகர்கள் எடுத்துக்கொண்ட பழைய புகைப்படங்கள் இணையத்தில் வைரலாகி வருகிறது.
தமிழ் சினிமாவில் முன்னணி நடிகராக வலம் வருபவர் விஜய். மாஸ்டர் பட வெற்றியை தொடர்ந்து விஜய் தற்போது ‘தளபதி 65’ படத்தில் நடித்து வருகிறார். நெல்சன் திலீப் குமார் இயக்கும் இப்படத்தில் விஜய்க்கு ஜோடியாக பிரபல தெலுங்கு நடிகை பூஜா ஹெக்டே நடித்து வருகிறார். தற்போது கொரோனா ஊரடங்கு அமலில் இருப்பதால் இப்படத்தின் படப்பிடிப்பு நிறுத்தி வைக்கப்பட்டுள்ளது.
இந்நிலையில் நடிகர் விஜய்க்கு விழா ஒன்றின் போது மாலை அணிவித்து எடுக்கப்பட்ட பழைய புகைப்படம் ஒன்று வெளியாகியுள்ளது. இந்த புகைப்படத்தில் அவருடன் தமிழ் சினிமாவின் முன்னணி நடிகர்களான சரத்குமார் மற்றும் விஜயகாந்த் ஆகியோரும் இருக்கின்றனர். இந்த அரிய புகைப்படம் தற்போது சமூக வலைத்தளங்களில் வைரலாகி வருகிறது.
