நடிகர் ரஜினிகாந்த் இன்று தனது 73வது பிறந்தநாளை கொண்டாடி வருகிறார். இந்நிலையில் பிறந்தநாளை முன்னிட்டு போயஸ் தோட்ட வீட்டில் ரசிகர்களை சந்திக்க நடிகர் ரஜினிகாந்த் திட்டமிட்டுள்ளார். அவரது பிறந்தநாளை கொண்டாடும் வகையில் ரசிகர்கள் பல்வேறு ஏற்பாடுகள் செய்து வருகின்றனர்.
இந்நிலையில் ரஜினிகாந்துக்கு தமிழக முதல்வர் ஸ்டாலின், தமிழக பா.ஜ.க தலைவர் அண்ணாமலை உள்ளிட்ட பல அரசியல் தலைவர்கள், திரைப் பிரபலங்கள், ரசிகர்கள் என பலரும் பிறந்தநாள் வாழ்த்துகளைத் தெரிவித்து வருகின்றனர். இந்த நிலையில் முன்னாள் இந்திய கிரிக்கெட் வீரர் ஹர்பஜன் சிங், நடிகர் ரஜினிகாந்துக்கு வாழ்த்து தெரிவித்து டுவிட் பதிவு ஒன்றை வெளியிட்டுள்ளார்.
அவற்றில் “செப்பு மிங்கிளாகி வரும் தங்கமல்ல அவர். எப்பவுமே சிங்கிளாக வரக்கூடிய சிங்கம்!. சூப்பர் மனிதர் திரு.ரஜினிகாந்த் அவர்களுக்கு இனிய பிறந்தநாள் வாழ்த்துக்கள். இந்த அற்புத கலைஞனின் பெயரை காற்றில் அல்ல காலத்தில் எழுதி வைத்துள்ளது கலை. நீடூழி வாழ்க தலைவா என்று பதிவிட்டு வாழ்த்துக்களை தெரிவித்து உள்ளார்.
செப்பு மிங்கிளாகிவரும்
தங்கம் அல்ல அவர்… எப்பவுமே சிங்கிளாகவரும் சிங்கம்!!சூப்பர் மனிதர் திரு @rajinikanth அவர்களுக்கு இனிய பிறந்தநாள் வாழ்த்துக்கள்
இந்த அற்புத கலைஞனின் பெயரை காற்றில் அல்ல காலத்தில் எழுதி வைத்துள்ளது கலை
நீடூழி வாழ்க தலைவா! #HBDSuperstarRajinikanth
— Harbhajan Turbanator (@harbhajan_singh) December 12, 2022