அதிமுக அரசில் தமிழக பால்வளத்துறை அமைச்சராக இருந்து வரும் அமைச்சர் ராஜேந்திர பாலாஜி எதிர்க்கட்சிகளை சரமாரியாக விமர்சனம் செய்வார். பொதுவாக மக்களின் பேசும் எளிய மொழிநடையில் எதிர்கட்சிகள் மீது கடுமையான விமர்சனங்களை முன் வைப்பார்.
திமுக, காங்கிரஸ் ஒரு விமர்சனம் செய்தால் அதற்கு பதிலடி கொடுக்கும் வகையில் அடுத்தடுத்து பதிலடி விமர்சனங்களை அமைச்சர் ராஜேந்திர பாலாஜி கூறி வருவார். இந்த நிலையில் ராஜேந்திர பாலாஜி வைத்து வரும் விமர்சனங்களை குறித்தும், அவர் பேசும் கருத்துகள் குறித்தும் மக்களவை மணி தாகூர் கருத்து தெரிவித்துள்ளார்.
காங்கிரஸ் கட்சியின் மக்களவை உறுப்பினர் மாணிக்தாகூர், அமைச்சர் ராஜேந்திர பாலாஜி பாஜகவைச் சேர்ந்தவராகவே இருக்கிறார். விரைவில் அதிமுகவை பாஜக உடன் அவர் இணைத்து விடுவார். அதற்கான வேலைகளை அவர் தற்போது இருந்தே பார்க்க தொடங்கி விட்டார். அதோடு விருதுநகர் மாவட்டத்தில் அனைத்து தொகுதிகளிலும் அதிமுக தோல்வி அடைவதற்கு ராஜேந்திரபாலாஜி காரணமாக இருப்பார் என்று கூறியுள்ளார்.