தமிழ் சினிமாவில் கடைக்குட்டி சிங்கம், ஜுங்கா, கஜினிகாந்த், காப்பான், டெடி போன்ற திரைப்படங்களில் நடித்து பிரபலமானவர் சாயிஷா. மேலும் இவர் தெலுங்கு, இந்தி, கன்னட படங்களிலும் நடித்திருக்கிறார். இதையடுத்து சாயிஷா, நடிகர் ஆர்யாவை காதலித்து திருமணம் செய்துகொண்டார். இந்த ஜோடிக்கு ஒரு பெண் குழந்தை இருக்கிறது. இந்நிலையில் சாயிஷா தன் சமூகவலைத்தளத்தில் பதிவு ஒன்றை வெளியிட்டுள்ளார். அந்த பதிவில் “2022-ம் வருடம் எனக்கு தேவையானதை அனைத்தும் கொடுத்தது. மேலும் மகிழ்ச்சி, மனநிறைவோடு இருந்தேன்.
இந்த வருடத்தை மறக்காமல் நன்றியோடு இருப்பேன். உங்களது குழந்தையோடு ஒவ்வொரு நொடியும் செலவிடுவது தான் அந்த குழந்தைக்கு நீங்கள் கொடுக்கும் சிறந்த பரிசு ஆகும். அந்த வகையில் நான் என் குழந்தையுடன் நீண்டநேரம் செலவிட்டேன் என்பதில் பெருமை. நடப்பு ஆண்டு எனக்கு அழகான மகிழ்ச்சியான பயணமாக அமைந்தது. 2023 ஆம் வருடம் வருகிறது. இந்த வருடம் நிறைவான மகிழ்ச்சியை கொடுக்கட்டும். அத்துடன் நல்ல ஆரோக்கியத்தோடு இருப்போம். நாம் விரும்புகிறவர்களோடு செலவிடும் வருடமாகவும் புத்தாண்டு அமையட்டும்” என குறிப்பிட்டுள்ளார்.